Сэлэнгэ аймгийн Алтанбулаг сумын Цөх багийн “Гүн” нууранд нэг иргэн осолдож, нас баржээ.

Сэлэнгэ аймгийн Алтанбулаг сумын “Гүн” нууранд эрэгтэй хүн осолдсон тухай дуудлагыг 08-р сарын 08-ны өдрийн 15:27 цагт хүлээн авчээ. Сэлэнгэ аймгийн Онцгой байдлын газрын Эрэн хайх, аврах ангийн алба хаагчдыг очиход иргэн Т /24 настай, эрэгтэй/ нь нуурын усанд сэлэхээр ороод живсэн тул эрэн хайх ажиллагааг зохион байгуулан ажиллажээ.

Мөн өдрийн 17:20 цагт анх осолдсон газраас зүүн хойд зүгт 7 метр зайд, 3.5 метр гүнээс цогцсыг олж гарган аймгийн Шүүх шинжилгээний хэлтсийн шинжээчид шилжүүлэн өгсөн байна.

---