Увс аймгийн Тариалан сумын Хөхөө багийн “Бага-Улиас” гэдэг газар өчигдөр шөнө аянга бууж, гурван хүүхэд аянганд цохиулжээ.

Тодруулбал 22:00 цагийн орчим бага зэргийн бороо оржээ. Улмаар 23:58 цагт "Гурван хүүхэд аянганд цохиуллаа" гэх дуудлагыг холбогдох байгууллагынхан хүлээн авчээ.

Тус газарт сумын Засаг даргын Тамгын газрын даргаар ахлуулсан ажилтнуудыг 23:00 цагт очиход гэрийнхээ гадаа байсан 12 настай охин Э болон 11 настай охин М нар аянганд цохиулсны улмаас амиа алдсан байжээ. Харин 14 настай хүү Э түлэгдсэн байдалтай ч ухаантай байсан тул түүнд эмнэлгийн анхны тусламж үзүүлж аймгийн нэгдсэн эмнэлэг рүү тээвэрлэж хүргэжээ.

---