™ watch
™ watch
Баянгол дүүргийн 30 дугаар хороо буюу олны нэрлэж заншсанаар X хороооллын 24 дүгээр байрны тагтан дээрээс нэгэн иргэн дээш хэд хэдэн удаа буудаж буй бичлэг өчигдөр олон нийтийн сүлжээнд цацагдаж, тэр хавийн оршин суугчдыг айдаст автуулсан.
Цагдаагийн байгууллагад энэ тухай дуудлага өчигдөр 13.05 цагийн үед ирсний дагуу Баянгол дүүргийн Цагдаагийн газрын II хэлтсийн хөдөлгөөнт эргүүлийн алба хаагчид очсон байна. Дээрх байрны хоёрдугаар давхарт оршин суудаг, чөлөөт уран бүтээлч, уран барималч иргэн Ц.Г гэх 55 настай эр өөрийн эзэмшлийн “Вепрь” загварын буугаар хоёр удаа буудаж танхайрсан аж. Түүний ийн авирлах болсон шалтгаан нь дээд давхруудад нь амьдардаг иргэд тагтан дээрээсээ хогоо хаясантай холбоотой аж. Ц.Б тухайн үед гэртээ ганцаараа, архи уусан бөгөөд гэр бүлийнхэн нь эзгүй байсан гэнэ. Тэрбээр өмнө нь бас галт зэвсэг ашиглан танхайрч байсан зөрчилд холбогдсон нэгэн юм байна.
Зөрчилд холбогдогч Ц.Б өмнө нь ямар нэг байдлаар ял шийтгүүлж байгаагүй бөгөөд өчигдөр түүнийг эрүүлжүүлэх байранд саатуулсан гэнэ.
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.
Дээд давхраас цонх, тагтан дээрээсээ хог хаях явдал арай дэндүү бнаа. Хэлэх газар байхгүй, ямар ч хууль тогтоомж байхгүй болохоор ингэх хүртэл бухимдуулж бна шүү. Мөн дээд давхрын айлын хүүхдүүд гэртээ сагс тоглох юм, машин түрж, дугуй унаж тоглох юм. Очиж хэлээд нэмэргүй, улам их түшиглүүлэн юм. Би ч буу байвал буудахаар болж бна шүү.
Өөрийгөө хянаж чаддагүй хүнд зэвсэг эзэмшүүлдэггүй юм. Шууд хураах хэрэгтэй
Buu ezemshih erhii ni has
Энэ худлаа байх өө. Олон нийтээр өөрийгөө өмөөрүүлэх гэсэн хэрэг. Зүгээр согтуу агсамнаж хүн айлгаад байдаг итгээдүүд байдаг ш дээ тэдний л нэг