Хэнтийчүүд тэгш ойн баяраа угтаж Орон нутаг судлах музейгээ ашиглалтад орууллаа.

Уг ажлыг “Монкон констракшн” компани хоёр жил орчмын хугацаанд барьж гүйцэтгэжээ. Харин үзүүлгийн танхимд тавигдах шилэн хоргоны нийлүүлэлт, угсралтыг “Синема Оф Саунд” компани гүйцэтгэсэн байна.

Уг шилэн хоргоны стандарт саяхан ашиглалтад орсон Чингис хаан музейн стандарттай дүйцэхүйц буюу хоёрдогч нь болж буйгаараа онцлог юм.

Сан хөмрөгт хадгалагдаж байгаа үзмэрийн 60 хувь нь эх хувиараа, 20 хувь контент, 20 хувь нь хуулбар үзмэрээр дэглэгджээ. Хуулбар үзмэр нь Хан Хэнтийн түүх соёлтой холбоотой зөөвөрлөж авчрах боломжгүй буюу тухайлбал Рашаан хад гэх мэт түүхэн дурсгалт, байгалийн үзэсгэлэнт газруудын хуулбарыг байрлуулж орчин үеийн тоног төхөөрөмж ашиглан бодит мэтээр харуулах зэрэг технологийн дэвшлийг шингээжээ. 

Тус барилга нь гурван давхар, 30м*18м талбайтай аж.

---