Хан Тайшир уулын аймаг байгуулагдсаны 100 жилийн ойн баяр наадмын арга хэмжээ “Хуурын эгшиг” яруу найргийн наадмаар эхэлсэн.

Тус наадмын эхний шатыг зургадугаар сарын 15-нд явуулсан бөгөөд 40 гаруй яруу найрагч уран бүтээлээ ирүүлсэн байна. Тэдгээрээс тунаж үлдсэн 20 яруу найрагч Говь-Алтай аймгийн “Алтай” чуулгад хүрэлцэн ирж, шүлгээ уншлаа.

“Хуурын эгшиг” наадамд 2020 оны “Болор цом”-ын эзэн, яруу найрагч Б.Жамбалдорж болон Д.Нацагдорж, Ч.Лодойдамбын шагналт яруу найрагчид оролцлоо

“Хуурын эгшиг 2023” яруу найргийн наадамд яруу найрагч Б.Жамбалдорж тэргүүн байр эзэллээ.

Түүний хувьд “Алтайн дуулал” шүлгээрээ тус наадмын тэргүүн байрыг хүртсэн бөгөөд шагналыг Говь-Алтай аймгийн ИТХ-ын дарга Д.Даваадорж гардуулан өгөв.  “Хуурын эгшиг” наадамд тэргүүлсэн Б.Жамбалдоржийн хувьд 2020 оны “Болор цом”-ын эзэн болж байв. 

---