Дэлхий нийтийг хамарсан цар тахлаас болж үүдээ бариад байсан Шанхай хотын амьтны хүрээлэн өнгөрөгч оны зургаадугаар сард дахин нээгдсэн билээ. 

Өнөөдөр тус цэцэрлэгт хүрээлэнд амьдардаг 5000 гаруй амьтан жуулчдыг угтаж байна. 

Тус амьтны хүрээлэн энэ сарын 7-ноос эхлэн шөнийн аялал зохион байгуулж эхэллээ. Амьтны хүрээлэнгийн үзэгчид гэр бүлээрээ байгалийн ухааны хичээлд сууж, шөнийн цагаар амьтны ертөнцтэй танилцах боломжтой бөгөөд 24 шөнийн аялал наймдугаар сарын 27 хүртэл үргэлжлэх юм байна.

---