Өнөөдөр үдээс хойш Улаанбаатар орсон түр зуурын борооны үеэр нэгэн эмэгтэй зам гарч яваад аянгад цохиулж, биеийн байдал хүнд байна гэх мэдээлэл олон нийтийн сүлжээнд тархсан.

Холбогдох байгууллагуудын мэдээлснээр Peace mall орчим замаар гарч яваад аянгад цохиулсан 25 настай эмэгтэй ухаан орсон, эмнэлгийн тусламж үйлчилгээ авч байгаа аж.

Иргэд та бүхэн хүчтэй аадар борооны үед ойролцоох газар орж толгой хоргодох, цахилгааны эх үүсвэр бүхий газруудын ойролцоо усаар гарахгүй, баталгаатай гарцаар зам гарах зэргээр өөрийн аюулгүй байдлаа сайтар хангахыг зөвлөж байна.

 

---