Замын-Үүд-Улаанбаатар чиглэлд хөдөлгөөн түр хязгаарласан байсныг 07 дугаар сарын 22-ны өдрийн 07:00 цагаас эхлэн хэвийн горимд шилжүүлсэн байна.

Аадар борооны улмаас Замын-Үүд сумаас 22 км зайд Шаргын овоо зөрлөгийн орчимд үерийн ус их хэмжээгээр урсаж, босоо тэнхлэгийн автозам дээгүүр хальсны улмаас зам угаагдах, нурах эрсдэл үүссэн тул Замын-Үүдээс Улаанбаатар чиглэлд гарах автозамын зорчих хөдөлгөөнийг түр хугацаагаар хаагаад байсан.

Тэгвэл тус замын зорчих хөдөлгөөнийг түр хаасан байсныг 2023 оны 07 дугаар сарын 22-ны өдрийн 07:00 цагаас эхлэн хэвийн горимд шилжүүлсэн байна.

---