Долдугаар сарын 8-ны өдөр Орхон аймгийн Жаргалант сумын нутаг дэвсгэрт байрлах төмөр замын 156 дугаар километрийн 5-6 дугаар зуутад 11 ямаа төмөр замын хориг хашаанд орж галт тэргэнд дайруулжээ. 

Галт тэрэг нь олон тооны жинтэй ачаа тээвэрлэж яваа том хөдлөх механизм тул тээврийн хэрэгсэл шиг тэр дороо зогсох буюу эгнээ байраа өөрчлөх боломжгүй юм. 

Яаралтай тормоз дарахад 800-1000 метр газрыг туулж байж зогсдог тул малчид өөрийн эд хөрөнгөө хамгаалж, малаа төмөр замын аюултай бүсээс холуур бэлчээх, малаа хариулгагүй орхихгүй байхыг Төмөр замын цагдаагийн газраас анхааруулж байна.

---