- Нүүр
- Улс төр
- Видео мэдээ
- Чуулган
- Нийгэм
- Хууль эрх зүй
- Соёл урлаг
- Хэрэг зөрчил
- LIVETV CONTENT
- Бусад категори
Дунд голын голдиролыг хааж барьсан "Авлигал хороолол"-ыг нураах талаар иргэд цахим орчинд шүүмжилж буй.
Тухайлбал, өнөөдөр уг хотхоны талаар Ерөнхий сайд Л.Оюун-Эрдэнэ, БХБ-ын сайд нар "Зөвшөөрлийг нь цуцлахаар шүүхддэг. Шүүгчдийг худалдаад авчихсан. Шүүгчдэд хэдэн байр өгдөг байх" гэж ярьсан байдаг. Энэ бүхэнд тус хорооллыг барьж буй M&G компанийн захирал А.Амарбаясгалан тайлбар хийж, төрийн шийдвэрийг эсэргүүцэж буйгаа илэрхийлсэн.
Харин Нийслэлийн онцгой комиссоос 19:00 цагийн байдлаарх үерийн нөхцөл байдал болон авч буй арга хэмжээний талаар мэдээлэл өгөх үеэр НЗД бөгөөд Улаанбаатар хотын захирагч Д.Сумъяабазар уг компанийн талаар дараах тайлбарыг хийлээ.
НЗД бөгөөд Улаанбаатар хотын захирагч Д.Сумъяабазар:
-Сэлбэ голын хамгаалалтын бүсэд баригдсан барилга байгууламжийн талаарх мэдээлэл өгье. Сүхбаатар дүүргийн 1 дүгээр хороонд байрших S Outlet дэлгүүрийн зөвшөөрлийг 2009 онд НЗД-ийн захирамжаар 288 мкв газрыг иргэн н.Батзоригт автомашины засвар үйлчилгээний зориулалтаар, 15 жилийн хугацаатай олгосон байдаг. Мөн ондоо НЗД-ийн 671 дүгээр захирамжаар талбайн хэмжээг 1665-аар томсгож, 2015 онд 2409 мкв болгож нэмж олгосон. Түр байрын зориулалтаар албан даалгавараар авсан ч зориулалтын дагуу ашиглаагүй байгууламж юм.
Ард иргэдийн дунд яригдаад буй "Авлигал хороолол" буюу "Акуа гарден" хотхоны газрыг "Эм Энд Жи констракшн"-д 2008 онд Хан-Уул дүүргийн 15 дугаар хороонд 118 мянган мкв орон сууцны зориулалттайгаар дүүргийн Засаг даргын захирамжийг үндэслэн 5 жилийн хугацаатай олгосон байгаа юм. НЗД-ийн 2013 оны захирамжаар ногоон байгууламж, усан парк, спорт цогцолборын зориулалттай болгож өөрчилсөн. 2018 оны НЗД-ийн захирамжаар 29 444 мкв газрыг үйлчилгээний зориулалтаар, 79 885 мкв газрыг усан парк зориулалтаар олгосон.
Үүний дараа НЗД-ийн 2020,2021 оны захирамжаар тус газруудын эзэмшлийн гэрчилгээг хүчингүй болгосон. Нийслэлийн захиргааны хэргийн анхан шатны шүүхийн захирамжаар 2021 онд дээрх захирамжуудыг хүчингүй болгож шийдвэрлэсэн байдалтай байгаа гэлээ.
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.
Зөьшөөрөлгүй барилга юм байна , захиалсан хүмүүс мөнгөө буцааж аьах хэрэгтэй юм байна
Зөьшөөрөлгүй барилга юм байна , захиалсан хүмүүс мөнгөө буцааж аьах хэрэгтэй юм байна