Зуслангийн бүсэд цахилгааны шон унаж, эрсдэлтэй нөхцөл байдал үүсэж эхэлсэн байна. Иймээс зуслангийн бүсийн цахилгааныг тасаллаа гэж Улаанбаатар цахилгаан түгээх сүлжээ ТӨХК-аас мэдээлэв.

Үргэлжлэн орсон борооны улмаас нийслэлийн хэмжээнд найман байршилд нөхцөл байдал хүндрээд байгаа бөгөөд зуслангийн бүсэд байшингууд урсаж, цахилгааны шон ихээр унажээ.

Мөн зуслангийн бүсэд байгаа хүүхэд, ахмад настнуудыг хотын гэр рүүгээ буцаж, эзгүй байшингаа эргэж тойрохыг мэргэжлийн байгууллагаас анхааруулав.

---