Хуурамч шатахууны асуудлаар сүүлийн зургаан жил орчим тэмцэж байгаа иргэн Б.Сайнбаяр өнөөдөр АТГ-ын гадаа мэдээлэл хийлээ. Тэрбээр УИХ-ын гишүүн Ц.Анандбазар, Б.Пүрэвдорж, Б.Баттөмөр нарын харилцаа хамаарлыг шалгуулахаар АТГ-т хандлаа. 

Иргэн Б.Сайнбаяр: 

-Онцгой албан татварын тухай хуульд 2021 онд өөрчлөлт орсон. Харин энэ хууль Үндсэн хууль зөрчсөн байна гэсэн шийдвэрийг ҮХЦ энэ оны зургаадугаар сарын 17-нд гаргасныг өчигдөр буюу 2023 оны зургаадугаар сарын 22-нд УИХ хүлээгээд авчихлаа. 

АТГ-т хандах болсон маань ганцхан энгийн шалтгаантай. Сүүлийн нэг сарын хугацаанд УИХ-ын гишүүн Ц.Анандбазарын "Бага тэнгэр" хаусны хороололд УИХ-ын гишүүн Б.Пүрэвдорж, Б.Баттөмөр нар амьдарч байна уу, тэдэнд харилцаа хамаарал байна уу, үгүй юу гэдгийг шалгаж тогтоож өгөөч гэж байгаа юм гэв. 

---