Тохижилт үйлчилгээний “Охь Мандал” ХХК-ийн хашаанд хотын гудамжинд байрладаг цэцгийн модон хайрцгуудыг зөөж байрлуулжээ. Энэ талаар Нийслэлийн хот тохижилтын газраас тодруулахад дараах тайлбарыг өглөө.

Нийслэлийн хот тохижилтын газрын хэвлэлийн ажилтан "Нийслэлийн нийтлэг үйлчилгээний газрын Ногоон байгууламж хариуцдаг “Охь Мандал” ХХК-ийн хашаанд эвдэрч муудсан модон хайрцгуудыг цуглуулсан. Засаж дуусаад цэцэг тарьж, буцааж байршуулах юм байна. Жил бүр шинийг аваад байх боломжгүй тул эвдэрч муудсаныг нь засварлах ажил хийгдэж байгаа" гэлээ.

---