Төрийн тусгай албан хаагчдын нэгдсэн эмнэлгийн 90 жилийн ой “Эрүүл мэндийг дэмжих, урьдчилан сэргийлэх төв” байгуулагдсаны 5 жилийн ойд зориулсан нээлттэй өдөрлөг өнөөдөр /2023.06.07/ 10.00 цагаас Төрийн тусгай албан хаагчдын нэгдсэн эмнэлэгт эхэлнэ. 

Иргэд харьяалал харгалзахгүй дараах үзлэг, шинжилгээ, оношилгоонд хамрагдах боломжтой. Нээлттэй өдөрлөг 15.00 цаг хүртэл үргэлжлэх бөгөөд тус эмнэлгийн А блок /амбулатори/-ийн тавдугаар давхарт болох юм.

Нээлттэй өдөрлөгөөр:

• Биеийн найрлага хэмжих Accuniqu-920 аппаратаар өөх, булчингийн масс, эрдэс, уургийн хэмжээг тодорхойлж, дүгнэлт гаргах;
• Ясны нягт тодорхойлох Osteosys 3000 аппаратаар ясны сийрэгжилтийг тодорхойлох;
• Хэвлийн ЭХО оношилгооны аппаратаар дотор эрхтний өөрчлөлтийг тодорхойлох;
• Цусан дахь сахрын хэмжээг тодорхойлох;
• Хоол зүйн иж бүрэн зөвлөгөө мэдээлэл өгөх;
• Эрүүл зан үйлийг төлөвшүүлэх, халдварт бус өвчнөөс сэргийлэх сургалтыг зохион байгуулах;
• Дотор, мэдрэлийн эмчийн үзлэг зохион байгуулах;
• Шинжилгээ, оношилгоонд иргэдийг хамруулах;
• Витамин, эрдэс, нэмэлт бүтээгдэхүүний танилцуулга, худалдаа;
• Үйлчлүүлэгчдийг эмчилгээнд хамруулах, цаг товлолт хийх зэрэг ажлыг зохион байгуулна.

---