Монголын Хүмүүнлэгийн өдрийн хүрээнд Монголын улаан загалмай нийгэмлэг /Mongolian Red Cross Society/ , Улаанбаатар хотын Ус сувгийн Удирдах газар, Цус сэлбэлт судлалын үндэсний төв, Баянзүрх дүүргийн улаан загалмайн хороо Bayanzurkh Red Cross хамтран "Цусаа бэлэглэх өдөр" 98 дахь удаагийн өдөрлөгийг 2023 оны 05 дугаар сарын 03-ны өдөр зохион байгууллаа.

Энэхүү арга хэмжээний үеэр 100 буюу түүнээс дээш удаа цус, цусны бүрэлдэхүүн хэсгээ бэлэглэсэн “Хүндэт донор” Э.Нандинцэцэг, н.Даваадавга нарт МӨНГӨН ДОНОР, 70–аас дээш удаа цус, цусны бүрэлдэхүүн хэсгээ өгсөн Хүндэт донор Д.Цэвэлсүрэнд ХҮРЭЛ ДОНОР цол тэмдэг олгож алдаршууллаа.

Мөн Хүндэт донор Г.Баяржаргал “Бахархал 50“, Н.Идэржавхлан, Л.Ганбат, Д.Батбаяр нар ”Бахархал 30, Ч.Одонтуяа “Бахархал 20” тэмдгийг эзэд болж тэмдгийг гардуулж баяр хүргэв.

Өдөрлөгийн үеэр УСУГ-ын 50 орчим хүн цусаа бэлэглэж, 150 гаруй хүний амь нас аврах үйлсэд нэгдлээ. Бусдын амь аврах, эрүүл мэндийг дэмжих энэрэнгүй хүмүүнлэг үйлсийн эзэд эрхэм доноруудаа талархал илэрхийлж дүүргийнхээ иргэд, байгууллага хамт олныг цусны донорын эгнээнд нэгдэж, цус цусан бүтээгдэхүүний байнгын нөөцийг бүрдүүлэхэд оролцохыг уриалж байна.

---