АНУ-ын 44 дэх Ерөнхийлөгч Барак Обамагийн гэргий, тэргүүн хатагтай асан Мишель Обама “Becoming” дурсамж номоо хэвлүүлж худалдаанд гаргаад хоёр долоо хоногийн хугацаа өнгөрчээ. Өнгөрсөн хоёр долоо хоногт Мишель Обамагийн ном АНУ, Канадад цахим болон аудио, цаасан хэлбэрээр хоёр сая гаруй хувь борлогдсон байна.

Нэгдсэн улсын экс тэргүүн хатагтайн хүүхэд нас, цагаан ордны амьдралын дурсамжийг өгүүлэх шинэ номыг “Penguin Random House” хэвлэсэн юм. Тус компанийн мэдэгдэж байгаагаар 2018 онд АНУ, Канадад үүнээс их борлогдсон ном хэвлэгдээгүй гэжээ.

Их Британи, Герман, Франц, Итали, Норвеги улсуудад ч мөн 31 хэл дээр хэвлэгдэн гарсан “Becoming” дурсамж ном шилдэг борлуулалттай номын жагсаалтанд багтсан байна.

Тэргүүн хатагтай асан номын сурталчилгааны арга хэмжээгээ тун өргөн далайцтай явуулж эхэлсэн. Нью-Йоркод Мишелийн шинэ номонд гарын үсэг зуруулахаар уншигчид 16 цаг гаруйн турш тэсгэм хүйтэнд дэс дарааллаа хүлээн зогсчээ.

 

Эх сурвалж: www.qz.com

---