УИХ Үндсэн хуулийн өөрчлөлтийг өнөөдрөөс хэлэлцэж эхэллээ. Засгийн газраас боловсруулан өргөн барьсан Үндсэн хуульд өөрчлөлт оруулах хуулийн төсөл нь ганцхан заалттай буюу 21.1 дэх заалтыг “УИХ нэг танхимтай байна. УИХ-ын гишүүдийн 76-г мажоритар, 76-г пропорциональ аргаар сонгоно” хэмээн өөрчлөхөөр тусгасан юм. Үндсэн хуульд өөрчлөлт оруулах төслийг хэлэлцэж эхлэхээс өмнө УИХ-ын гишүүн Б.Пүрэвдорж үг хэллээ. 

УИХ-ын гишүүн Б.Пүрэвдорж: 

-УИХ-ын гишүүд тойрогтоо ажиллаж Үндсэн хуулийн нэмэлт өөрчлөлтөөр санал авахаар явах гэж байна. Иргэдээс санал авсан нэрийдлээр гишүүдийн тоог нэмээд явах байх. Гэхдээ иргэд энэ уулзалтаар УИХ-ын гишүүдээс тэтгэврийг долоон жилээр бус, таван жилээр тооцдог болох, хүүхдийн мөнгийг 100 хувь олгох, цалин тэтгэврийг нэмэх асуудлыг нэхэж шаардах ёстой. Эдгээр асуудлуудыг шийдсэний дараа ҮХНӨ-ийг дэмжинэ гэдгээ илэрхийлэх хэрэгтэй. Эрх баригчдыг "зүгээр нэг зүлгэн дээр нь гэр бариулахгүй шүү" гэлээ. 

---