Чингэлтэй дүүргийн нутаг дэвсгэрээс алга болсон 11, 13 настай охидыг нэг хоногийн дараа Баянгол дүүргээс олжээ.

Чингэлтэй дүүргийн 7 дугаар хорооны нутаг дэвсгэрээс 11, 13 настай охид гадаа тоглохоор гэрээсээ гараад сураггүй алга болсон гэх дуудлага, мэдээлэл тавдугаар сарын 01-ний өдөр цагдаагийн байгууллагад 21.00 цагт бүртгэгджээ.

Дуудлага, мэдээллийн дагуу цагдаагийн байгууллагаас эрэн сурвалжлах ажлыг зохион байгуулж, эдгээр охидыг тавдугаар сарын 02-ны өдрийн 11.30 цагт Баянгол дүүргийн нутаг дэвсгэрээс олж, ар гэрт нь хүлээлгэн өгчээ.

---