Үнийн өсөлт болон хүний эрхийг ноцтой зөрчиж буй асуудлын талаар иргэд Хэлмэгдэгсдийн хөшөөний дэргэд үзэл бодлоо илэрхийлж байна.  

Иргэдийн төлөөлөл:

-Үг хэлж, үзэл бодлоо илэрхийлэх эрхийг минь хаах ёсгүй. Иргэдийгээ шоронд хийдэг Засгийн газраас одоо айх хүн байхгүй. Дөрөвдүгээр сард Д.Мөнх-Эрдэнэ, Д.Монголхүүг баривчилсан. Дайныг эсэргүүцсэн иргэдийг заналхийлж айлгаж сүрдүүлсэн, одоо сүүлдээ үг хэлсэн иргэддээ гав зүүдэг болчихоод байна. Хүний эрхийн мэдрэмжгүй, дайныг дэмждэг засгийн газар огцор.

-Эрх баригчид засаг бариад найман жил болж байна. МАНАН мафи нь одоо Д.Мөнх-Эрдэнэ, Д.Монголхүү болчихсон юм уу? Хүний эрхийг хамгаалж чадахгүй байгаа МАН-ын засгийн газар огцрох ёстой. Үндсэн хууль өөрчилснөөр энэ МАН-ын хулгайчдыг алга болгодог бол бид цаг тутамд ҮХНӨ-ийг хийе. 2024 оны сонгуулиар шинэ улс төрийн хүчин, шинэ засгийн газар үндсэн хуулийг өөрчлөх ёстой гэв.

 

---