Согтуурсан үедээ гэрэлтүүлгийн цамхаг дээрээс хоолойгоо боомилохыг завдсан эрэгтэйг эсэн мэнд буулгажээ.

Сэлэнгэ аймгийн Хүдэр суманд гэрэлтүүлгийн цамхаг дээрээс нэг хүн амиа хорлох гэж байна гэх дуудлага дөрөвдүгээр сарын 25-ны өдрийн 20:10 цагт аймгийн онцгой байдлын газарт иржээ. Дуудлагын дагуу тус аймгийн Онцгой байдлын газрын Хүдэр сум дахь Эрэн хайх, аврах салбарын алба хаагчдыг очиход, иргэн Ш /29 настай, эрэгтэй, согтууруулах ундаа хэрэглэсэн/ найман метрийн өндөртэй гэрэлтүүлгийн цамхаг дээрээс олсоор хоолойгоо боомилохыг завдан хөл алдаж хоолой нь боогдсон байжээ. Алба хаагчид тус иргэнийг 21:21 цагт эсэн мэнд буулгаж, Хүдэр сумын Эрүүл мэндийн төвд хүлээлгэн өгчээ.

---