Гэрээсээ гараад алга болсон хүүг таван цаг хайсны эцэст хажуу айлын хашаанаас эсэн мэнд олжээ.

Завхан аймгийн Дөрвөлжин суманд дөрөвдүгээр сарын 24-ний өдрийн 18:00 цагийн орчим долоон настай эрэгтэй хүүхэд гэрээсээ явганаар гараад сураггүй болсон тухай дуудлагыг тус өдрийн 23:47 цагт аймгийн онцгой байдлын газарт ирүүлжээ.

Тус дуудлагын дагуу аймгийн Онцгой байдлын газрын Сонгино сум дахь Эрэн хайх, аврах бүлэг, Цагдаагийн хэсгийн алба хаагчид, сумын Засаг даргын Тамгын газрын ажилтнууд Т /7 настай, эрэгтэй/-ийг дөрөвдүгээр сарын 24-ний өдрийн 23:47 цагаас эхлэн эрэн хайх, аврах ажиллагааг зохион байгуулжээ. Ингээд дөрөвдүгээр сарын 25-ны өдрийн 05:35 цагт хажуу айлын хашаанаас олж ар гэрийнхэнд нь хүлээлгэн өгчээ.

---