“Улаанбаатар-Олон улсын хөрөнгө оруулалт, түншлэлийн форум” үргэлжилж байна.

Форумд дотоодын томоохон компани, ААН-үүдийн төлөөлөл, Дэлхийн банк, АХБ зэрэг Монгол Улсад суугаа олон улсын байгууллагууд, гадаадын  орнуудын ЭСЯ, АНУ-ын Худалдааны танхим, БНХАУ-ын хотуудаас ирсэн бизнес эрхлэгч нар, мөн ОХУ, Унгар зэрэг гадаад орнуудын зочин төлөөлөгч оролцож байна.

“Шинэ сэргэлт-Улаанбаатар хотын эдийн засаг, хамтын ажиллагааны форум”-аар нийслэлийн нийтийн тээврийн шинэчлэл, түгжрэл, дагуул хот, Аж үйлдвэр-технологийн парк, цэвэрлэх байгууламж, хотын төсөв зэрэг олон төслийг танилцуулж, олон асуудлыг хэлэлцэнэ.

Үүнд:

-“Сэлбэ” дэд төсөл,
-Унадаг дугуй болон скүүтерийн төсөл,
-Налайхын барилгын материалын үйлдвэрлэл-технологийн парк,
-“Хотын зүүн бүсийн тээвэр ложистикийн нэгдсэн төв” төсөл,
-Нийслэлд хэрэгжүүлэхээр төлөвлөж буй орон сууцжуулах төсөл хөтөлбөр зэрэг орж байна. 

 

---