Дохио!!! Цаг агаарын аюултай үзэгдлээс сэрэмжлүүлэх мэдээ:

Өнөөдөр 14:00 цагийн байдлаар баруун аймгуудын нутгаар хүчтэй салхи, шороон шуурганы аюултай үзэгдэл ажиглагдаж байна. Баян-Өлгий аймгийн Өлгий, Ногооннуур, Баяннуур, Сагсай 9-17 м/с, түр зуур 22-26 м/с, Увс аймгийн Өмнөговь, Завхан, Малчин, Өндөрхангай, Наранбулаг, Өлгий, Сагил сумдын нутгаар 11-16 м/с, түр зуур 20-23 м/с, Ховд аймгийн Зэрэг, Чандмань, Мөст, Манхан, Ховд сумдын нутгаар 11-20 м/с, түр зуур 24-28 м/с, Завхан аймгийн ихэнх сумдын нутгаар 6-15 м/с, түр зуур 22-40 м/с хүрч хүчтэй салхилж байна.

Үүнээс хамгийн хүчтэй салхилж байгаа нь Завхан аймгийн Сонгино, Түдэвтэй сумдын нутгаар салхины дундаж хурд 24 м/с, түр зуур 40 м/с хүрэв.

Өнөө шөнө Баянхонгор, Өвөрхангай, Өмнөговь, Дундговийн нутаг, Булган, Төв аймгийн өмнөд хэсгээр, маргааш өдөр Төв, Өмнөговь, Дундговь, Дорноговь, Говьсүмбэр, Хэнтий, Дорнод, Сүхбаатарын нутаг, Өвөрхангайн зүүн хэсгээр салхи секундэд 18-20 метр, зарим үед 24 метрийг давж ширүүсэж, шороон шуурга шуурна.

Өнөө шөнө Сэлэнгэ, Дарханы нутаг, Төв аймгийн баруун хойд хэсгээр цасан шуурга шуурна.

---