Хүчтэй шороон шуурганы улмаас Ховд, Завхан аймагт байшингийн дээвэр хууларч, гэр нуржээ.

Ховд аймгийн Жаргалант сумын нутагт дөрөвдүгээр сарын 16-ны 17:00 цагийн орчимд 18-20 м/с хүчтэй шороон шуурга шуурчээ. Шуурганы улмаас байшингийн дээвэр хууларч, хоёр гэр нуржээ. Иймд аймгийн Онцгой байдлын газрын алба хаагчд очиж иргэн А-н 8х8 метрийн хэмжээтэй байшин, Б-ийн 8х35 метрийн хэмжээтэй байшингийн дээвэр хууларч, Н, Э нарын 6 ханатай 2 гэр нурж унасан байсныг 1 цаг 2 минут ажиллаж, аюулгүй газарт нүүлгэн шилжүүлсэн байна. 

Мөн Завхан аймгийн Улиастай сумын нутагт шороон шуурга шуурсаны улмаас Товцог багийн Дэлгэрэх хэсгийн 10 гудамжинд 1 байшингийн дээвэр хууларч, 5 ханатай гэр дээр унажээ. Тус аймгийн Онцгой байдлын газрын алба хаагчид 40 минут ажиллаж, дээврийг холдуулж аюулгүй болгожээ. 

---