3х3 сагсан бөмбөгийн "Улаанбаатар кап" тэмцээн дөрөвдүгээр сарын 22-нд эхлэх гэж байна. Оролцох багуудыг дөрөвдүгээр сарын 21-нээс бүртгэж эхэлнэ.

Монголын сагсан бөмбөгийн холбооны ерөнхий нарийн бичгийн дарга С.Төгсжаргал: 

-Монголын Сагсан Бөмбөгийн Холбоо, 3х3 Сагсан Бөмбөгийн Холбоо, Нийслэлийн Засаг Даргын Тамгын Газар хоорондоо харилцан ойлголцлын Санамж бичиг байгуулсан. Энэ хүрээнд "Улаанбаатар кап 2023" 3х3 сагсан бөмбөгийн тэмцээн болно. 

Дөрөвдүгээр сарын 22-ноос эхэлж амралтын өдрүүдээр өсөн дүүргийн аварга шалгаруулах тэмцээн зохион байгуулагдаж, тавдугаар сарын 21-нд аваргын төлөөх тоглолтууд болох юм.

Аварга баг нь ирэх долдугаар сард болох Олон Улсын Сагсан Бөмбөгийн Холбооны их дуулгад оролцох эрхээ авна. Тиймээс хүүхэд залуучууд та бүхнийг тус тэмцээнд оролцохыг урьж байна" гэлээ.

"Улаанбаатар кап" нь эрэгтэй, эмэгтэй насан хүрэгчдийн ангиллаар зохион байгуулагдана. Мөн 17-18 настнууд ч оролцох боломжтой гэж зохион байгуулагчид нь мэдэгдлээ. Уг тэмцээнийг сагсан бөмбөгийн холбоод болон НЗДТГ хамтран зохион байгуулж байна.

---