Аймаг, нийслэл, сум, дүүргийн ИТХ-ын нөхөн болон дахин сонгууль зургаадугаар сарын 18-ны өдөр болохтой холбогдуулан 33 сум, хоёр дүүрэгт шилжилт хөдөлгөөнийг түр зогсооно.

Тодруулбал, ИТХ-ын сонгууль 17 аймгийн 33 сум, нийслэлийн хоёр дүүрэгт зохион байгуулагдана. Тиймээс хуульд заасны дагуу эдгээр аймаг, сум, дүүрэгт сонгууль явагдахаас 60 хоногийн өмнө буюу дөрөвдүгээр сарын 19-нөөс эхлэн иргэний засаг захиргааны нэг нэгжээс нөгөө нэгжид шилжин суурьших хөдөлгөөнийг зогсоох юм байна. Шилжилт хөдөлгөөнийг 2023 оныг зургаадугаар сарын 19-нөөс сэргээнэ.

Шилжилт хөдөлгөөнийг зогсоох аймаг, сум дүүрэг:

• Архангай аймгийн Ихтамир сум
• Баянхонгор аймгийн Баянговь, Баян-Овоо, Богд, Заг сум
• Баян-Өлгийн Буянт сум
• Булган аймгийн Хангал сум
• Говьсүмбэр аймгийн Сүмбэр сум, Шивээговь сум
• Дорноговь аймгийн Айраг, Эрдэнэ сум
• Дорнод аймгийн Чойбалсан сум
• Дундговь аймгийн Адаацаг, Баянжаргалан, Өлзийт, Хулд сум
• Өвөрхангай аймгийн Арвайхээр сум, Хархорин сум
• Өмнөговь аймгийн Ноён сум
• Сүхбаатар аймгийн Уулбаян сум
• Сэлэнгэ аймгийн Баруунбүрэн, Сүхбаатар сум
• Төв аймгийн Бүрэн, Заамар, Өндөрширээт сум
• Увс аймгийн Давст, Түргэн сум
• Ховд аймгийн Булган, Мөнххайрхан, Эрдэнэбүрэн сум
• Хөвсгөл аймгийн Баянзүрх, Тосонцэнгэл сум
• Хэнтий аймгийн Батширээт сум
• Нийслэлийн Сүхбаатар, Баянгол дүүрэг

Сонгогчдын нэрийн жагсаалтад тухайн сонгуулийн хэсгийн нутаг дэвсгэрт байнга оршин суугаа газрын хаягийн бүртгэл бүхий сонгогчийн эцэг /эх/-ийн нэр, өөрийн нэр, нас, хүйс, иргэний бүртгэлийн дугаар, байнга оршин суугаа газрын хаяг гэсэн дарааллаар бичигддэг байна. 

---