Засгийн газраас хэрэгжүүлж буй “Шувуу” ажиллагааны хүрээнд төрийн хэд хэдэн өндөр албан тушаал хашиж байгаад хил давсан Т.Бадамжунайг эх оронд нь авчирсан билээ. Тодруулбал, ХХААХҮ-ийн сайд асан Т.Бадамжунайг энэ долоо хоногийн лхагва гарагт буюу дөрөвдүгээр сарын 5-ны өдөр авчирч, Авлигатай Тэмцэх газраас 48 цагийн хугацаатай саатуулсан.

Тэгвэл түүний саатуулагдах хугацаа өнөөдөр дуусч буй. Үргэлжлүүлэн прокуророос Т.Бадамжунайг нэг сар цагдан хорих саналаа Сүхбаатар дүүргийн эрүүгийн хэргийн анхан шатны шүүхэд хүргүүлсэн байна. Улмаар тухайн саналыг өнөөдөр буюу дөрөвдүгээр сарын 7-ны өдрийн 10:10 цагаас эхлэн 30 минутын хугацаанд хэлэлцэж, нэг сар цагдан хорих захирамж гаргалаа. 

---