Иргэн Д.Мөнх-Эрдэнэд холбогдох "гэм буруугийн" шүүх хурал өнөөдөр Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд болно. 

Тус хэргийг шүүх хурал өнгөрсөн гуравдугаар сарын 10-ны өдөр болохоор товлогдоод байсан ч шүүгдэгч нарын өмгөөлөгчдийн хүсэлтээр шүүх хурлыг дөрөвдүгээр сарын 4-ний өдөр хүртэл хойшлуулаад байсан.

Нийслэлийн прокурорын газраас Д.Мөнх-Эрдэнэд Эрүүгийн хуулийн тусгай ангийн 22.5 дугаар зүйлийн 1 дэх хэсэг, 22.4 дүгээр зүйлийн 4 дэх хэсэг, 22.1 дүгээр зүйлийн 2 дахь хэсэг, 13.14 дүгээр зүйлийн 1 дэх хэсэг, 23.1 дүгээр зүйлийн 1 дэх хэсэгт тус тус заасан гэмт хэрэгт эрүүгийн хэрэг үүсгэж, яллагдагчаар татан яллах дүгнэлт үйлджээ. 

---