Засгийн газраас авлигатай тэмцэх ажлын хүрээнд "5Ш" ажиллагааг зохион байгуулж буй. Тус таван ажиллагааны нэг болох "Шилэн" ажиллагааг ЦХХХ-ны сайд Н.Учрал хариуцаж байна. Үүнтэй холбогдуулан тэрбээр өнөөдөр дараах мэдээллийг өглөө. 

ЦХХХ-ны сайд Н.Учрал: 

-Мэдээллийг ил тод, нээлттэй болгохоос "Шилэн" ажиллагаа эхэлнэ. Хаана, юу нуугдаж байгааг бид шилээр харж байж мэднэ, үүний дараа шүгэлдэх, шүүрдэх, шилжүүлэн авах, шувуугаар авчрах гэсэн зорилтууд бий болно. 

Хаана нууц байна тэнд авлига бий. Иймд shilen.gov.mn гэх нэгдсэн платформд холбогдох мэдээллийг нэгтгэж, иргэдэд ойлгомжтой хэлбэрээр хүргэхээр ажиллаж байна. 2590 хуулийн этгээд мөн 3426 этгээдийн мэдээллийг тус платформд нээлттэй болгож байгаа. 

Иргэд төрөө хянах, хэвлэл мэдээллийн байгууллага эх сурвалжаа нэмэх боломжийг хуулиар зохицуулж өгнө гэсэн үг. Түүнчлэн ТББ-ууд илүү эх сурвалжтай ажиллах, бизнес чөлөөтэй, шударга өрсөлдөх боломж бүрдэх юм гэв. 

 

---