“Уусан бол бүү жолоод" шөнийн хяналт шалгалтын ажиллагаагаар согтууруулах ундааны зүйл хэрэглэсэн үедээ тээврийн хэрэгсэл жолоодсон 155 зөрчил, үнэмлэхгүй үедээ автомашин жолоодсон 39 зөрчил илрүүлжээ. 

Цагдаагийн байгууллагаас “Уусан бол бүү жолоод" шөнийн хяналт шалгалтыг гуравдугаар сарын 24-нөөс 25-ныг шилжих шөнийн хугацаанд Нийслэлийн 9 дүүрэг, Баянхонгор, Говь-Алтай, Дундговь, Завхан, Орхон, Өмнөговь, Сэлэнгэ,Сүхбаатар, Хэнтий, Ховд зэрэг 10 аймгийн хэмжээнд зохион байгуулжээ.

Нийт 257 цэгт, 571 алба хаагч, 82 албаны тусгай зориулалтын автомашинтайгаар хяналт шалгалтыг зохион байгуулж ажилласан байна. Тус шалгалтын ажиллагаагаар согтууруулах ундааны зүйл хэрэглэсэн үедээ тээврийн хэрэгсэл жолоодсон 155 зөрчил, тээврийн хэрэгсэл жолоодох эрхийн үнэмлэхгүй үедээ автомашин жолоодож замын хөдөлгөөнд оролцсон 39 зөрчил илрүүлжээ. 

 

---