УИХ-ын гишүүн Ж.Эрдэнэбат Сэлэнгэ аймгийн Биеийн тамир, спортын газрын спорт зааланд стандартын шаардлагад нийцсэн 24 секунтын довтолгооны цагтай сагсан бөмбөгийн иж бүрэн шидийг шийдвэрлэж өгчээ.

Ингэснээр Сэлэнгэ аймгийн Биеийн тамир, спортын газрын заал иж бүрэн шинэчлэгдэж дууссан аж.

Сэлэнгэ аймаг нь нийт 108,000 гаруй хүн амтай бөгөөд 2022 оны байдлаар спорт сонирхогч тэр дундаа сагсан бөмбөг сонирхогч хүүхэд, залуучуудын тоо ихээр нэмэгджээ. Улс, аймгийн чанартай тэмцээн, байгууллага хамт олны дундах тэмцээн уралдааныг зохион байгуулахад стандартад нийцсэн 24 секундын цагтай орчин үеийн сагсан бөмбөгийн шийдтэй байх шаардлагатай үүссэн байна.

Иймд тус аймгаас сонгогдсон УИХ-ын гишүүн Ж.Эрдэнэбат спортын ордны хуучин сагсан бөмбөгийн шийдийг сольж, стандартын шаардлагад нийцсэн  иж бүрэн шинэ шийдийг шийдвэрлэж өгчээ.

---