Монгол Улсын Зэвсэгт хүчний 102 жил, "Монгол цэргийн өдөр", Олон Улсын эмэгтэйчүүдийн эрхийг хамгаалах өдрийг угтан Төрийн цэргийн болон Хууль сахиулах байгууллагуудын дунд зохион байгуулагддаг цуврал тэмцээн "Мөрдөстэй бүсгүйчүүд" тэмцээнээр эхлэв.
Тэмцээнд 5 байгууллагын 15 эмэгтэй цэргийн алба хаагчид оюун ухаан, авъяас чадвар, авхаалж самбаагаа сорин өрсөдлсөн байна.
Тэргүүн байрыг Монгол Улсын баатар Ж.Нэхийтийн нэрэмжит Хилийн цэргийн 0101 дүгээр ангийн Ахлах дэслэгч Л.Сарантуяа ахлагчтай “АЛТАН ГЭРЭГЭ” багийн бүсгүйчүүд, Дэд байрыг Шүүхийн шийдвэр гүйцэтгэх газрын Ахлах дэслэгч М.Биндэрьяа ахлагчтай “СҮЛДЭН ЗАЯА” багийн бүсгүйчүүд, Гутгаар байрыг аймгийн Онцгой байдлын газрын Ахлах дэслэгч Э.Отгонбаяр ахлагчтай “ОНЦГОЙ БҮСГҮЙЧҮҮД” багууд тус тус эзэлсэн байна.
Аймгийн ЗДТГ-ын Цэргийн штабаас зохион байгуулж байгаа цуврал тэмцээн 3 дугаар сарын 18-ны өдрийг хүртэл үргэлжлэн явагдана.

---