Хилийн цэргийн 0275 дугаар ангийн хариуцсан хэсэг буюу улсын хилээс 12 км зайд хээрийн түймэр гарсныг 02 дугаар сарын 25-ны өдөр хилийн манаа илрүүлжээ.

Уг мэдээллийн дагуу ангийн салбараас бүлэг томилогдон шалгахад автомашинтай 3 иргэн хилийн зурваст зөвшөөрөлгүй нэвтэрч, хил орчмын дэглэмийн зөрчил гаргахын зэрэгцээ хээрийн түймэр тавьсныг тогтоожээ. Иргэдийн буруутай үйлдлээс үүдэн нийт 22000 га газар шатжээ. 

Хилчид тус иргэдийг хуулийн дагуу Дорнод аймгийн Баян-Уул сумын цагдаагийн тасагт шилжүүлэн өгсөн байна. Гарсан хээрийн түймрийг унтраахад Хилийн цэргийн 0275 дугаар анги, Баян-Уул сумын гал унтраах, аврах 53 дугаар анги хамтран ажиллаж, 24 цагийн турш хээрийн түймэр унтраах ажиллагааг явуулжээ.

---