Орхон аймгийн Баян-Өндөр сумын уурхайчин багт “Даниста худалдааны төвийн баруун урд таксинд явж байхад үл таних согтуу залуу таксинд гар өргөж суугаад намайг боож унагаан машинаас буулгаад, миний "Тоёота акуа" автомашиныг дээрэмдээд явлаа” гэх дуудлага мэдээлэл иржээ. Энэ хэрэг 2023 оны хоёрдугаар сарын 25-ны 01:45 цагт цагдаагийн байгууллагад бүртгэгдсэн байна. 

Дуудлага, мэдээллийн дагуу цагдаагийн байгууллагаас шуурхай ажиллагааг зохион байгуулж таксинд явж байсан 40 настай эмэгтэйг боож, автомашин дээрэмдэн зугтсан гэх 42 настай эрэгтэй Т-г олж тогтоон баривчилж, мөрдөн шалгах ажиллагааг явуулж байна хэмээн цагдаагийн байгууллагаас мэдээллээ. 

---