Цагдаагийн байгууллагад 2023 оны 02 дугаар сарын 23-ны өдрийн 05 цаг 46 минутад Баянгол дүүргийн 6 дугаар хорооны нутаг дэвсгэрт байрлах байрны “7 дугаар давхарт газ дэлбэрч, гал гарсан байна” гэх дуудлага, мэдээлэл бүртгэгджээ.

Дуудлага, мэдээллийг тус дүүргийн цагдаагийн газрын хоёрдугаар хэлтсээс шалгахад тус тоотод асаалттай байсан зулнаас гал алдаж, улмаар өрөөний дулааны шугам хэт халалтын улмаас буудаж дэлбэрсэн байна. 

Тус тоотын доод давхрын айлын өрөөний тааз хэсэг цөмөрч, гадна зогсоод байсан "Тоёота" маркийн хоёр тээврийн хэрэгсэл дээрээс хагарсан шил зэрэг эд зүйл унаж эвджээ. 

Энэ хэрэгт мөрдөн шалгах ажиллагаа явуулж байгаа бөгөөд ослын улмаас хүний биед гэмтэл, бэртэл учраагүй хэмээн цагдаагийн байгууллагаас мэдээллээ. 

---