Увс аймгийн Завхан сумын Хяргас нуурын мөсөн дээгүүр зорчиж явсан суудлын автомашин нуурын мөс рүү цөмөрч, живсэн зорчигчид нь эсэн мэнд гарсан тухай дуудлагыг 02 дугаар сарын 11-ний өдрийн 13:20 цагт Онцгой байдлын алба хүлээн авчээ.

Тус аймгийн Онцгой байдлын газрын Эрэн хайх, аврах алба хаагчдыг очиход тус аймгийн Улаангом сумаас Завхан сумын “Хэцүү хад” гэдэг газрын чиглэлд 8 зорчигчтой /үүнээс 5 нь хүүхэд/ зорчиж явсан иргэн Г-ын “Хайлюкс” загварын суудлын автомашин живсэн байсан.

Наранбулаг сумын хүн эмнэлгийн эмч нар ажиллаж зорчигчдийг мөн өдрийн 23:33 цагт аймгийн Нэгдсэн эмнэлэгт хүргэж өгсөн боловч 4 хүн /үүнээс 3 хүүхэд/-ий биеийн байдал хүнд байна.

02 дугаар сарын 12-ны өдрийн 11:55 цагаас 18:50 цаг хүртэл 18 метрийн гүнд шумбалт хийж, автомашиныг ган татлагаар холбосон бөгөөд 50 метр газар хонгил гаргаж мөсийг цэвэрлэсэн. 02 дугаар сарын 13-ны өдрийн 11:00 цагаас ажиллагааг эхлүүлэн 30 метр газар хонгил гарган мөсийг цэвэрлэсэн бөгөөд нуурын мөс нимгэн байгаа тул 8-10 метрийн холоос ган татлага холбон татаж автомашины хойд талыг мөсний ирмэг дээр гаргаж ирсэн боловч үзэгдэх орчин хязгаарлагдсан тул 19:30 цагт түр зогсоосон. Өнөөдөр өдрийн 11:00 цагт ажиллагааг дахин эхлүүлнэ хэмээн ОБЕГ-аас мэдээлжээ.

---