Монголын Үндэсний бөхийн холбооноос сар шинийн цуврал барилдааны урьдчилсан хуваарийг  гаргажээ.

Цолгүй залуу бөхчүүдийн барилдаан хоёрдугаар сарын 14-нд болох бол сумын цолтон болон залуу бөхчүүдийн барилдаан хоёрдугаар сарын 15-нд зохион байгуулагдана. Харин аймаг, цэргийн начин цолтнуудын барилдаан хоёрдугаар сарын 16-нд, ахмад бөхчүүдийн барилдаан /50-аас дээш нас/, өсвөрийн бөхийн барилдаан хоёрдугаар сарын 17-нд болно. Хоёрдугаар сарын 18-нд аймаг цэргийн цолтой залуу 256 бөхийн барилдаан болох хуваарьтай байна.

Сар шинийн баярт зориулсан улс, аймгийн алдар цолтой 256 бөхийн барилдааны нэг, хоёрын даваа хоёрдугаар сарын 19-нд 12:00 цагаас эхэлнэ. Харин улс, аймгийн алдар цолтой 256 бөхийн барилдаан гурвын даваа хоёрдугаар сарын 20-нд 12:00 цагаас Монгол бөхийн өргөөнд үргэлжилнэ.

---