Олон нийтийн сүлжээнд хүний эрхийг хамгаалах тухай хуулийн төсөл батлагдсантай холбогдуулж УИХ-ын гишүүн асан хуульч О.Баасанхүү өөрийн байр суурийг илэрхийлжээ. 

Хуульч О.Баасанхүү: 

-Иргэд маань энэ хуулийг уншиж үзээсэй гэж санагдсан. Зарчмын хувьд би энэ хуулийг дэмжиж байгаа. 

Манай сошиалд хэд хэдэн асуудал байдаг. Нэгдүгээрт, цахим гадуурхалт гэсэн зүйл байна. Хүнийг нас хүйс, нийгмийн гарал, ажил мэргэжил, байгаа байдлаар нь их гадуурхдаг. Жишээ нь, Осоржамаа гэдэг хүүгийн нэрээр хичнээн ч пэйж байгаа юм. Тэр хүүхдийг худалдах замаар лайкын тоогоо нэмцгээдэг. Мөн, Загдаа гэдэг хүнд зориулаад Загдаагийн ерөнхий газар гэдэг пэйж байна. Хүнийг алуурчин, чөтгөр гээд биччихдэг. Хэн ч тэрийг арилгахгүй байгаа биз дээ? 

DMNN гэж пэйж байна. Хүмүүсийн зургийг хайчлаад, нохой гахай, бөгс бөөрийг нь гаргаад тавьчихдаг. "Хутга" Даш гэдэг нөхөр ажиллуулдаг. Ийм пэйжүүд маш их байдаг. 

Хоёрдугаарт, Украины дайнтай холбоотойгоор гадны тусгай хүчин манайд ажиллаад байна уу гэж хардаг. Троллууд нь ази царайлаг охидын зурагтай. Тэгээд хүнийг гахай, нохой, шээс баас гээд бичээд байдаг. 

Гуравдугаарт, сошиалд бага насны хүүхдүүд ордог. Тэнд ч ямар цэнзүүр байдаггүй. Жишээ нь, хар тамхи сурталчилдаг. Хутга шөвөг сурталчилдаг. 

Мөн, зохион байгуулалттай троллууд байдаг. Эрдэм, Налайх зэрэг нэртэй троллууд байна. 100-200 хүн суулгаад, 800 мянгаас 2 сая төгрөгийн цалин өгч эсрэг намын хүнийг доромжлох, гутаах, сэтгэгдэл бичих зэргээр ажиллуулдаг. Уг нь ийм зүйлийг Эрүүгийн хуулинд хатуу оруулж өгөх ёстой юм.  Гэтэл энэ хуулинд ямар ч хууль байхгүй юм билээ. Зөрчил, Эрүүгийн хууль байхгүй. Харин энэ хуулийг гаргасан шиг гаргах байсан юм. Дэлхийн бүх олон олон нийтийн сүлжээний хуультай. Гэтэл энэ хуулиар зүгээр л блоклох, бандах гэж ярьдаг арга хэмжээ авах юм билээ. Харин яагаад дуулиан тариад байгааг би ерөөсөө ойлгоогүй. Шалтгаан нь, цаг хугацааны хувьд хурдан батлуулсан гэж үзсэн юм уу... 

---