АТГ-ын мөрдөн шалгах ажиллагааны явцад гадаад улсаас 12.2 сая ам.долларын өртөг бүхий хөрөнгийг буцаан авч, шүүхийн шийдвэрээр улсын орлого болгожээ.

АТГ-ын Урьдчилан сэргийлэх, соён гэгээрүүлэх хэлтсийн дарга Х.Ихмөрөн:

-Гэмт хэргийн улмаас учирсан нийт хохирол 2022 онд таван их наяд 24 тэрбум 895 сая 829.000 төгрөг байна. Үүнээс мөрдөн байцаалтын явцад хоёр их наяд 374 тэрбум 934 сая 309.000 төгрөгийг нөхөн төлүүлээд байна. Байр, машин, тоног төхөөрөмж 518 тэрбум 39 сая 322 мянган төгрөгөөр үнэлэгдэх эд хөрөнгө болон бэлэн мөнгийг битүүмжилсэн. Нийт хохирлын 47 хувийг мөрдөн байцаалтын явцад нөхөн төлүүлсэн байна.

Мөрдөн шалгах ажиллагааны явцад гадаад улсаас 12.2 сая ам.долларын өртөг бүхий хөрөнгийг буцаан авч, шүүхийн шийдвэрээр улсын орлого болгосон.

Лондонд байрлах нэг орон сууц, 1.8 тэрбум төгрөгтэй тэнцэх бэлэн мөнгө, 269 сая төгрөгийн үнэ бүхий үл хөдлөх хөрөнгө хоёр ширхэг гээд нийт 6.4 тэрбум төгрөгийг 4.7 сая ам.долларыг улсын орлого болгосон.

Мөн тус улсын Виржинийн арлаас 2.2 тэрбум төгрөг буюу 1.6 сая ам.долларын үнэ бүхий газар, үл хөдлөх хөрөнгийг улсын өмчид бүртгүүлж, Мөн тус арлаас 11.3 тэрбум төгрөг буюу 5.7 сая ам.долларыг улсын орлого болгон хураан авсан гэлээ. 

---