ХИЛИЙН ЦЭРГИЙН 0303 ДУГААР АНГИЙН БИЕ БҮРЭЛДЭХҮҮН МЭДЭХҮЙН “ЦЭНЭГ” АЯЛЛЫГ ЗОХИОН БАЙГУУЛАВ.

“Цэнэг” аялал “Сансар” одон орон судлалын төвөөр айлчлан Монголын болон дэлхийн сансар судлал, гариг эрхсийн үүссэн түүх, оддын ай сав, байрлал, нэршлийн талаар танин мэдэхүйн мэдлэгээ нэмж, Үндэсний цэцэрлэгт хүрээлэнгийн “Сүлдэт багана цогцолбор”-ын билэгдэл, түүхийг Сэтгэлзүйн бэлтгэлийн албаны бүрэлдэхүүнээс бие бүрэлдэхүүнд тайлбарлан хүргэлээ.

Мөн нийгмийн хариуцлагын хүрээнд цогцолборын орчны хог хаягдлыг цэвэрлэсэн юм.

Үндэсний цэцэрлэгт хүрээлэнгээс замналаа үргэлжлүүлэн Үндэсний түүхийн музейгээр зочлон, Их Монгол улсын түүх, үндэсний өв уламжлал, соёл, зан заншлын тухай танин мэдэхүйн ертөнцөөр “аялав”.

“Цэнэг” аялал нь бие бүрэлдэхүүний танин мэдэхүйн мэдлэгийг нэмж, Монголын их өв соёл, түүхийн жимээр аялан соён гэгээрэх нэгэн чухал алхам болов. Цаашид бидний “Цэнэг” аялал Улаанбаатар хотын түүхэн дурсгалт газруудаар үргэлжлэх болно.

 

---