Иргэн өөрийн оршин суугаа газрын хаягийн бүртгэлээ https://burtgel.gov.mn/ цахим хуудсаар шалгах боломжтой боллоо. 

Оршин суугаа газрын хаяг зөрүүтэй тохиолдолд мэдээлэх боломжтой бөгөөд зөрүүтэй гэж мэдэгдсэн тохиолдолд УБЕГ-аас мэдээллийг нягтлан шалгаж, хариу мэдэгдэх юм байна.

Хэрэв шилжилт хөдөлгөөний бүртгэлд бүртгүүлэх бол байнга оршин суух газрынхаа /сум, хороо/ улсын бүртгэгчид өөрийн биеэр, улсын бүртгэлийн үйлчилгээний цахим машин болон E-Mongolia хуудаст хандах аж. 

Иргэн байнга оршин суухаар бүртгүүлсэн хаягийн мэдээлэл бүхий иргэний улсын бүртгэлийн мэдээллийн сан нь Хүн ам, өрхийн мэдээллийн сан /ХАӨМС/-гаас тусдаа сан учир хүн ам, өрхийн мэдээллийн сан /ХАӨМС/-гийн мэдээлэлтэй холбоотой асуудлаар баг, хорооны Засаг даргад хандахыг зөвлөлөө.

---