Баянхонгор аймгийн Жаргалант сумын Намтолгой багийн “Далайхайрхан” гэдэг газар малчин Б нь нэгдүгээр сарын 18-ны өдрийн 09:00 цагийн орчим морьтой малаа хариулахаар яваад сураггүй болсон тухай дуудлагыг оройн 20:05 цагт онцгой байдлын газар хүлээн авчээ. 

Дуудлагын дагуу тус аймгийн Онцгой байдлын газрын Жаргалант сум дахь Эрэн хайх, аврах ангын алба хаагчид, сумын мэргэжлийн ангийн хүмүүс малчин Б /42 настай, эрэгтэй/-ыг эрэн хайх ажиллагааг оройн 20:19 цагаас эхлэн зохион байгуулж мөн 22:00 цагт гэрээс нь зүүн урд зүгт 4 км зайтай “Их дөт” гэдэг газраас эсэн мэнд олж ар гэрийнхэнд нь хүлээлгэн өгчээ.

---