Сэлэнгэ аймгийн Алтанбулаг суманд өсвөр насны таван хүүхэд "Хатуу хучилттай авто зам дагуу явган явж байна. Бид нар осгох нь" гэсэн дуудлагыг 01 дүгээр сарын 17-ны өдрийн 03:26 цагт Онцгой байдлын алба хүлээн авчээ.

Тус аймгийн Онцгой байдлын газрын Эрэн хайх, аврах бүлгийн алба хаагчид очиход тус аймгийн Алтанбулаг сумын Цөх багийн нутаг дэвсгэрт үйл ажиллагаа явуулдаг “Номт” амралтын газраас Сүхбаатар сумын чиглэлд явган явж байсан Сүхбаатар сумын Ганзам багийн 2 дугаар байрны Т /17 настай, эрэгтэй/, Т /17 настай, эрэгтэй/, .А /16 настай, эрэгтэй/, Э /16 настай, эрэгтэй/, М /15 настай, эрэгтэй/ нарыг 04:26 цагт аймгийн төвд авчирч, Цагдаагийн байгууллагад шилжүүлэн өгсөн байна.

---