Нийслэлийн удирдах ажилтнуудын шуурхай зөвлөгөөний үеэр шинээр орж ирсэн автобуснуудын үйлчилгээний маршрутын төлөвлөлтийн талаар Нийтийн тээврийн газраас мэдээлэл өглөө. 

Нийтийн тээврийн газрын дарга С.Жавхлантбаатар:

-Одоогийн байдлаар 117 автобус ирсэн. Өнөөдөр эхний 30 автобусыг үйлчилгээнд гаргасан. Үлдсэн автобусыг энэ долоо хоногтоо багтаан үйлчилгээнд гаргана гэж төлөвлөж байна. Шинэ автобустай холбоотойгоор төлөвлөлтөд өөрчлөлт орсон. 53 км-ээс хол явж байсан гурван урт шугамыг богиносгож, арван чиглэлд шинэ, мөн арван чиглэлд богино эргэлтийн төлөвлөлтийг хийсэн гэв.

---