2023 оны Жүдо бөхийн насанд хүрэгчдийн улсын аварга шалгаруулах тэмцээн өнөөдөр эхэллээ. Энэ үеэр Монгол Улсын хөдөлмөрийн баатар Х.Цагаанбаатар зодог тайллаа.

Улсын аварга шалгаруулах тэмцээнд Монгол Улсын хөдөлмөрийн баатар, олимпын хүрэл медальт, дэлхийн аварга Х.Цагаанбаатар -90 кг жинд зодоглосон. Тэрээр хүрэл медалийн төлөө барилдсаны дараа албан ёсоор зодог тайллаа.

Х.Цагаанбаатар нь 1984 онд Увс аймгийн Баруунтуруун суманд төрсөн. 1995 оноос анх жүдо барилдаанаар хичээллэж эхэлсэн. 2004 оны Афины олимпоос 60кг-ийн жинд хүрэл медаль хүртсэн, 2009 оны дэлхийн аварга, 2010 оны ДАШТ-ий хүрэл медальт. Монгол Улсын Гавьяат тамирчин, Хөдөлмөрийн баатар цолтой, Азийн наадмын аварга, Азийн хошой аварга, самбо бөхийн дэлхийн хошой аварга юм.

---