Ховд аймгийн Засаг Даргын Тамгын Газраас энэ сарын 21-22-нд "Мөнгөлөг шагшуурга 2023" мөсний баяр хийхээр товлосон. 

Арга хэмжээг Баруун Монгол угсаатны онцлогийг хадгалсан аялал жуулчлалыг хөгжүүлэх, байгаль дэлхий, үндэсний өв соёлоороо бахархах, өвлийн аялал жуулчлал, нийтийн биеийн тамирыг хөгжүүлэх зорилгоор Хар-Ус нуурын цогцолбор газарт зохион байгуулах аж.

Энэ хүрээнд дөрвөн дугуйт мотоциклын үйлчилгээ, морин чарга, бүргэдийн үзүүлбэр, олон угсаатны хоол үйлчилгээ, Монгол туургатны “Мөсөн сур”-ын харваа зэрэг арга хэмжээ зохион байгуулагдах юм байна. 

---