Халтиргаа гулгаанаас сэргийлэх зорилгоор нэгдүгээр сарын 13-нд бүх нийтийн цэвэрлэгээг зохион байгуулахаар болжээ. 

Иргэд, аж ахуйн нэгж байгууллагуудыг өөрийн эзэмшил, ашиглалтад байгаа газар болон орчныхоо 50 метр хүртэлх зам, талбайг цэвэрлэх үүргээ биелүүлэхийг НЗДТГ-аас хүслээ. 

Жил бүр гардаг осол гэмтлийн 40 хувийг халтирч унаснаас үүдэлтэй бэртэл эзэлж байгааг Гэмтэл, Согог Судлалын Үндэсний төвөөс мэдээлсэн. Тодруулбал, өнгөрсөн онд 140 мянга гаруй бэртлийн улмаас тус төвөөр үйлчлүүлсний 60 орчим мянга нь халтирч унаснаас үүдэн бэртжээ. 

Иймд бүх нийтийн их цэвэрлэгээнд идэвхтэй оролцохыг холбогдох албанаас уриаллаа. 

---