Монгол, Хятадын хилийн Замын-Үүд-Эрээн авто замын боомтын зорчигч тээврийн хөдөлгөөн өнөөдөр 08 цагт нээгдлээ. Хоёр улсын Гадаад яамны харилцан тохирсноор Монголын талаас 300 зорчигчийг автобусаар нэвтрүүллээ. 

Ийнхүү гурван жил орчим хаалттай байсан Эрээн-Замын-Үүдийн боомтын үйл ажиллагаа сэргэж, иргэдийн зорчих хөдөлгөөн нээгдэж байна. Эрээний боомт нь Монгол улсын ачаа таваарын дийлэнх буюу 80 орчим хувийг нэвтрүүлдэг чухал бүс бөгөөд ковидын улмаас зорчигчийн хөдөлгөөнийг бүрмөсөн хориглоод байсан юм. 

Эхний ээлжинд өдөрт 300 зорчигчийг автобусаар тээвэрлэх ба бага багаар нэмэгдүүлсээр 500-1000 зорчигч болгоно гэж хоёр улс тохироод байгаа. Монгол зорчигчид зорчихоос 48 цагийн өмнө PCR шинжилгээ өгөх /сөрөг гарсан болон халуурах шинж тэмдэг илэрсэн иргэдийг хилээр нэвтрүүлэхгүй/. Мөн Хятад руу зорчих мэдүүлгийг цаасан болон цахим хэлбэрээр заавал бөглөх зэрэг үндсэн шаардлагыг тавьж байгаа билээ. 

Харин Хятадаас Монгол руу зорчих иргэдийн тухайд одоо мөрдөгдөж байгаа журмын дагуу нэвтрэхээр заажээ. 

---