Агаарын чанарын албанаас Улаанбаатар хотын агаарын чанарын  12 дугаар сарын 26-наас 2023 оны нэгдүгээр сарын 1-ний өдрийн мэдээг танилцууллаа.

Улаанбаатар хотын агаарт түгээмэл бохирдуулах бодис хүхэрлэг хий /SO2/, азотын давхар исэл /NO2/, тоосонцор /PM10, PM2.5/, нүүрстөрөгчийн дутуу исэл /CO/, озон /O3/-ы агууламжийг тодорхойлсон байна.

Өнгөрсөн долоо хоногийн агаарын чанарын хяналт шинжилгээний дүнгээр Улаанбаатар хотын агаарын чанар 13-р хороолол, Баруун дөрвөн зам, Амгалан, Цахилгаан станц, Мишээл экспо, Зайсан, Ургах наран хороолол орчим “Бага бохирдолтой” байжээ. Харин 100-н айл, Толгойт, Нисэх, Зурагт, Таван буудал орчим “Бохирдолтой”, Налайх, Шархад, Хайлааст, Баянхошуу орчим “Маш их бохирдолтой” түвшинд хүрсэн байна.

---