Үндэсний эрх чөлөө, тусгаар тогтнолоо сэргээн мандуулсны 111 жилийн ойг тохиолдуулан /232, 233 дугаар зарлиг/ эрхэлсэн ажилдаа өндөр амжилт гарган эх орноо хөгжүүлэх үйлсэд үнэтэй хувь нэмэр оруулсан дараах хүмүүст Монгол Улсын Ерөнхийлөгч У.Хүрэлсүх төрийн дээд цол, одон, медаль гардуулсан билээ.

Гавьяат багш цолоор шагнагдсан Мандах их сургуулийн захирал Гомбожавын Намжилын сэтгэгдэлийг сонслоо.

Тэрбээр, Миний бие боловсролын дээд салбарт 50 дахь жилдээ ажиллаж байна. Үүнээс 28 жилд нь МУИС-д ажиллсан. 1992 онд Мандах сургуулиа байгуулж, багшаас захирал хүртэлх албыг хашиж байна. Гавьяа шагнал, ололт амжилт бол ямагт багийн амжилт байдаг.

Хамт олон, хамтран зүтгэгч нартаа баярлаж гялайлаа. Монгол Улсын санхүү бүртгэл, аудитын салбарыг хөгжүүлэхэд мэргэжил нэгт нөхөдтэйгээ хамтран зүтгэж ирсэн байна. Та бүхэндээ баярлалаа гэв. 

---